公司春茗2023

虎年終於係大家嘅笑聲當中悄悄地落幕。自疫情起，由於斷斷續續嘅限聚令，搞到公司好耐都無同同事們好好地係出面聚首一堂。

今年我地終於唔洗再係公司到食到會，可以出去大吃大喝。除左食好西之外，我哋今年抽獎嘅禮物同往年一樣都係十分豐富，除左有公司安排嘅iPhone, iPad, Apple Watch同不能盡錄嘅現金獎外，仲有老闆臨場爆肚嘅壓軸特大現金獎。晚宴上眼見同事們都十分盡興，希望大家都能夠滿載喜悅而歸！在此再次恭祝大家工作順利，身體健康，繼續行大運。另外，都再次恭喜所有得獎者，多謝各位踴躍參與。